У Магілёўскай вобласці расце попыт на мёд

У сувязі з сітуацыяй з каранавірусам жыхары Магілёўскай вобласці сталі часцей купляць прадукцыю пчалярства, – паведаміў старшыня рэспубліканскай асацыяцыі пчаляроў «Пчала і мёд» Андрэй Шушаначоў.

Людзі звярнуліся да правераных стагоддзямі сродкаў для ўмацавання імунітэту і яшчэ больш увагі звярнулі на вырабы беларускіх пчаляроў. Расце попыт на маткавае малачко, пчаліны хлеб, праполіс і мёд. Жыхары рэгіёна сталі больш актыўна купляць мёд з даданнем пяргі і мёд з праполісам. Аматары натуральнага і карыснага запасаюцца прадукцыяй пчалярства, якую прапануюць пчаляры Магілёўшчыны.

Мясцовыя пчаляры гатовыя задаволіць растучы попыт. Яшчэ ёсць запасы. Да таго ж з канца мая на рынку павінен з’явіцца мёд новага сезона.

«Калі ўсталююцца спрыяльныя ўмовы надвор’я (а для пчол аптымальная тэмпература +20 градусаў), не будзе дажджоў, то на працягу 10 дзён такіх умоў надвор’я і цвіцення зможам атрымаць свежы мёд новага сезона, які, я думаю, паступіць у продаж у канцы мая – пачатку чэрвеня», – сказаў Андрэй Шушаначоў.

«Радыё Магилёў»