У Магілёўскай вобласці стартаваў рэгіянальны этап рэспубліканскага конкурсу «Энергамарафон-2017»

На працягу адзінаццаці гадоў Дэпартамент па энергаэфектыўнасці праводзіць рэспубліканскі конкурс «Энергамарафон», мэтай якога з’яўляецца фарміраванне актыўнай сацыяльнай пазіцыі ў адносінах да рацыянальнага выкарыстання энергарэсурсаў і беражлівых адносін да навакольнага асяроддзя, павышэнне культуры абыходжання з энергарэсурсамі.

Абласны этап пройдзе на Магілёўшчыне з кастрычніка 2017 года па студзень 2018 года.

Удзельнікі спаборніцтваў – навучэнцы і педагогі ўстаноў дашкольнай, агульнай сярэдняй, прафесійна-тэхнічнай, сярэдняй спецыяльнай, дадатковай адукацыі дзяцей і моладзі – прадстаўляюць свае праекты, якія апісваюць практычныя прапановы па эфектыўным і рацыянальным выкарыстанні энергарэсурсаў ва ўстановах адукацыі і ў побыце, а таксама рэкламныя відэаролікі, плакаты, малюнкі і лістоўкі, культурна-відовішчныя мерапрыемствы.

Конкурс праводзіцца па намінацыях:

• «Праект практычных мерапрыемстваў па энергазберажэнні»;
• «Культурна-відовішчнае мерапрыемства па прапагандзе эфектыўнага і рацыянальнага выкарыстання энергарэсурсаў»;
• «Мастацкая праца па прапагандзе эфектыўнага і рацыянальнага выкарыстання энергарэсурсаў» (паднамінацыі «Відэаролік» і «Лістоўка; плакат; малюнак»);
• «Сістэма адукацыйнага працэсу і інфармацыйна-прапагандысцкай работы ў сферы энергазберажэння ва ўстанове адукацыi».

Больш падрабязна аб конкурсе ТУТ