У Магілёўскай вобласці з 20 снежня падаражэе праезд у грамадскім транспарце

У Магілёўскай вобласці з 20 снежня падаражэе праезд у грамадскім транспарце. Адпаведная пастанова Магілёўскага аблвыканкама ад 12 снежня 2019 года № 2735 афіцыйна апублікавана на Нацыянальным прававым інтэрнэт-партале.

Кошт праезду ў гарадскім транспарце – аўтобусах і тралейбусах – вырасце на 5 капеек да 60 капеек.

Тарыф на гарадскія аўтобусныя перавозкі на экспрэсных маршрутах складзе 70 капеек за адну паездку.

У прыгарадным транспарце тарыф стане вышэйшым на 1 капейку за 1 км праезду.

Рашэннем Магілёўскага аблвыканкама таксама зацверджаны новы кошт праязных.