У Магілёўскай вобласці з 5 снежня падаражае праезд у грамадскім транспарце

У Магілёўскай вобласці з 5 снежня падаражае праезд у грамадскім транспарце. Адпаведнае рашэнне Магілёўскага аблвыканкама ад 30 лістапада 2020 года № 7-28 афіцыйна апублікавана на Нацыянальным прававым інтэрнэт-партале.

Кошт праезду ў гарадскім транспарце – аўтобусах і тралейбусах – вырасце на 10 капеек да 70 капеек.

Тарыф на гарадскія аўтобусныя перавозкі на экспрэсных маршрутах складзе 80 капеек за адну паездку.

У прыгарадным транспарце тарыф стане вышэйшы на 1 капейку за 1 км праезду.

Рашэннем Магілёўскага аблвыканкама таксама зацверджаны новы кошт праязных.

Павелічэнне кошту праезду ў грамадскім транспарце можа выклікаць рост коштаў і ў маршрутных таксі.

Рэд.