У Магілёўскай вобласці завяршаецца ўборачная гарачая пара

Завяршаецца ўборачная гарачая пара на Магілёўшчыне. У засеках 770 тыс. 551 тона хлеба. Сярэдняя ўраджайнасць па вобласці - 24,9 цэнтнера з гектара.

Застаецца ўбраць усяго два працэнты плошчаў. Пры гэтым асноўны аб'ём у астатніх 6 тысячах гектараў складаюць грэчка і проса, уборку якіх гаспадаркі толькі пачынаюць, справіўшыся са збожжавымі.

У рэйтынгу даўно сфармавалася тройка лідэраў па ўраджайнасці - Шклоўскі (38 ц/га), Горацкі (33,4 ц/га) і Кіраўскі (31,7 ц/га) раёны. Па збожжавым вале больш за ўсіх намалацілі камбайнеры Горацкага раёна — больш за 90 тысяч тон. Звыш 87 тысяч тон - у хлебаробаў Магілёўскага раёна, амаль 80 тысяч тон - у шклоўчан.

Самай аб'ёмнай і важнай працай для аграрыяў сёння застаецца азімая сяўба. Ужо засеяна 28,7 тысячы гектараў азімых збожжавых культур на зерне (12 працэнтаў ад задання). Узарана пад азімую сяўбу больш за 84 тысячы гектараў (34 працэнты ад задання).

Сеюцца азімыя культуры і на зялёную масу, у тым ліку палоснымі пасевамі. Пры запланаваных 33, 8 тысячы гектараў гаспадаркі ўжо пасеялі 10, 4 тысячы гектараў.

Працягваецца другі ўкос травы. Скошана 116,8 тысячы гектараў травяных угоддзяў. Нарыхтавана амаль 65 тысяч тон сена, 1307 тысяч тон сенажу. У лік корманарыхтоўкі ўбрана больш за 180 тысяч тон аднагадовай і прамежкавай аднагадовай травы на кармавыя мэты. У палімернай упакоўцы назапашана 24,5 тысячы тон кармоў. У запасе для пагалоўя буйной рагатай жывёлы — 11,85 цэнтнера кармавых адзінак. Недабор кармоў, у параўнанні з мінулым годам, пачынае паступова скарачацца - сёння ён складае -2,9 цэнтнера кармавых адзінак.

Набірае абароты ўборка кукурузы на сілас. Сабрана амаль 226 тысяч тон зялёнай масы. Ураджайнасць кукурузы на сёння - 256 цэнтнераў з гектара. Больш за 300 цэнтнераў з гектара ўбіраюць у Шклоўскім, Кіраўскім, Горацкім і Круглянскім раёнах.

Ільнаводы працягваюць абгортваць стужкі лёну. Поўным ходам ідзе ўзняцце льнотрасты - ужо ўзнята 45 працэнтаў да выцерабленага. Звезена з палёў на захоўванне 95 працэнтаў паднятага лёну. Усяго нарыхтавана 9067 тон лёну пры ўраджайнасці 29 цэнтнераў з гектара. Сярэдні нумар ільнотрасты застаецца 0,7. У выніку ў ільнозаводаў ужо гатова 2648 тон ільносыравіны ў перакладзе на льновалакно.