У Магілёўскай вобласці з'явіўся першы праекцыйны пешаходны пераход

У Магілёве на скрыжаванні вуліц Карла Маркса і Карпінскага абсталяваны першы ў Магілёўскай вобласці праекцыйны пешаходны пераход, паведамілі ва УУС Магілёўскага аблвыканкама.

На праекцыйным пераходзе з дапамогай светлавых праектараў дублюецца дарожная разметка «Нерэгулюемы пешаходны пераход». Гэта інавацыйнае рашэнне з'яўляецца дадатковай крыніцай асвятлення, што дае магчымасць забяспечыць лепшую бачнасць пераходу ў цёмны час сутак і прыцягвае ўвагу вадзіцеляў, тым самым павышаючы бяспеку пешаходаў, якія перасякаюць праезную частку.

БЕЛТА