У Магілёве абнаўляюць вуліцы (відэа)

Адразу дзве сучасныя магістралі атрымае Магілёў гэтым летам. Гэта абноўленыя вуліцы Бялыніцкага-Бірулі і Крупскай. Што будзе зроблена?

Работы па рэканструкцыі вуліц і дарог у горадзе вядуцца згодна з Генеральным планам абласнога цэнтра і Дзяржаўнай інвестыцыйнай праграмай. Дарожнікі абнаўляюць не толькі цэнтральныя вуліцы, але і ў спальных раёнах, а яшчэ мясцовыя праезды і ў прыватным сектары. Дарэчы, механізм развіцця дарожных сетак прапісаны ў Дзяржаўнай праграме «Дарогі Беларусі» на 2021-2025 гады. Згодна з дакументам, спецыялісты маюць намер засяродзіць максімальныя сілы на рамонце дарожных пакрыццяў. Выключэнне – будаўніцтва дарог абыходу вакол буйных гарадоў, каб зняць транзітную нагрузку.

ТРК «Могилев»