23.09.2025 - 10:43

Вялікая будоўля на вуліцы Гагарына разгарнулася пяць месяцаў таму

У час летніх канікулаў па ўсёй краіне актыўна займаліся падрыхтоўкай школ да новага навучальнага года. А яшчэ будавалі і працягваюць будаваць новыя ўстановы адукацыі. Так, ужо да наступнага навучальнага года ў Магілёве з'явіцца сучасная школа з трэнажорнай залай і басейнам.

Вялікая будоўля на вуліцы Гагарына разгарнулася пяць месяцаў таму. Новую школу ўзводзяць у самым цэнтры жылой мікразоны. Перш, чым заліць падмурак, прыйшлося зносіць каля трох дзясяткаў прыватных дамоў. На чарзе - яшчэ каля 20.

Утульныя кабінеты, сталовая, музейны пакой, уласны цір, трэнажорная, гімнастычная і актавая залы. 4-павярховы корпус абсталююць па апошнім слове тэхнікі. Будоўля і начынне абыдуцца дзяржаве 38 мільёнаў рублёў. А яшчэ тут будзе басейн для школьнікаў і ўсіх ахвочых.

Відэа

ont.by