09.10.2020 - 10:27

Дашкольны цэнтр развіцця дзіцяці № 8 горада Магілёва стаў першай установай дашкольнай адукацыі ў рэгіёне, дзе па ініцыятыве Магілёўскага абласнога аддзялення РГА «Беларуская тэнісная федэрацыя» з’явілася секцыя тэніса.

Двойчы на тыдзень дзеці займаюцца з кіраўніком фізічнага выхавання Ганнай Брыль, якая напярэдадні паспяхова прайшла спецыялізаваныя курсы ITF Academy і атрымала адпаведныя сертыфікаты. Зараз у ДЦРД № 8 Магілёва сфарміравана тры групы.

Жадаючых займацца было нямала, і ўжо з першых дзён і дзеці, і бацькі не хаваюць свайго захаплення ад заняткаў, якія праходзяць у займальнай гульнявой форме.

mogilevnews.by