24.04.2019 - 08:46

У Магілёве ідзе адключэнне ацяплення на сацыяльных аб’ектах. Адпаведнае распараджэнне падпісаў старшыня гарвыканкама Уладзімір Цумараў, паведамілі ў гарвыканкаме.

Цяпло перастае паступаць у дзіцячыя дашкольныя ўстановы, школы, лячэбна-прафілактычныя і медыцынскія ўстановы, установы сацыяльнага абслугоўвання, музеі, архівы, бібліятэкі.

Адключэнне ацяплення ў жылым фондзе, інтэрнатах, гасцініцах, установах прафесійна-тэхнічнай, сярэдняй спецыяльнай і вышэйшай адукацыі пачалося ў абласным цэнтры на мінулым тыдні, а яшчэ раней у горадзе сталі адключаць ацяпленне ў грамадскіх, адміністрацыйных будынках і на прамысловых прадпрыемствах.

У мінулым годзе ацяпленне ў жылым фондзе сталі адключаць 12 красавіка, у сацыяльным сектары – 18 красавіка.