У Магілёве працуе выстава анатамічных анамалій

Магілёўскі абласны мастацкі музей ім. П.У. Масленікава запрашае наведаць выставачны праект «Анатамікус». Пра гэта паведамілі ва ўстанове культуры.

Як расказалі супрацоўнікі музея, экспанаты раскажуць пра анамаліі ў развіцці чалавека і жывёл. Праект умоўна дзеліцца на чатыры часткі. Першая прысвечана анатоміі, можна ўбачыць паталогіі органаў чалавека. Другая - этнаграфіі: маскі народаў свету з'яўляюцца адлюстраваннем культуры і традыцый розных народаў. Трэцяя частка - энтамалогія - гэта чароўны свет матылькоў і насякомых з усяго свету. Чацвёртая прысвечана батаніцы. Прадстаўлена прыгожая і небяспечная калекцыя атрутных раслін з розных куткоў планеты.

  «Асобная цікавасць уяўляе тое, што ў кожнага экспаната ёсць свая гісторыя - усё гэта можна самастойна паглядзець і пачытаць», - адзначылі спецыялісты.

Супрацоўнікі музея таксама адзначылі, што выстава немаленькая, таму наведвальнікі правядуць у залах шмат часу.

Азнаёміцца з выставачным праектам можна будзе да канца жніўня.

Рэд.