У Магілёве пройдзе XV Міжнародны эканамічны форум «Млын поспеху»

Міжнародны эканамічны форум адбудзецца 17-18 кастрычніка. Арганізатары форуму - Магілёўскі абласны выканаўчы камітэт, ААТ «Магілёўскае агенцтва рэгіянальнага развіцця» пры падтрымцы пасольстваў дзяржаў - членаў ШАС у Рэспубліцы Беларусь.

Мэты форуму: развіццё кааперацыйных сувязей і стварэнне сумесных прадпрыемстваў, вытворчасць і рэалізацыя тавараў у рамках імпартазамяшчэння, інтэграцыя рэгіянальнага бізнесу ў сусветную эканамічную прастору, развіццё лагістычных маршрутаў на тэрыторыі дзяржаў — членаў ШАС, прэзентацыя экспартна-арыентаванага патэнцыялу рэгіёнаў, развіццё турызму сярод рэгіёнаў дзяржаў — сяброў ШАС, фінансаванне інвестыцыйнага імпарту.

«Млын поспеху» - гэта пляцоўка, на якой будуць прадстаўлены вытворчыя і інвестыцыйныя праекты Магілёўскай вобласці, а таксама найбольш перспектыўныя прапановы ў сферы гандлёва-эканамічнага, інвестыцыйнага і прамысловага супрацоўніцтва.

Міжнародны кааперацыйны форум па імпартазамяшчэнні дзяржаў — членаў ШАС накіраваны на пошук альтэрнатыўных пастаўшчыкоў прадукцыі (сыравіны, абсталявання, камплектуючых) для кампаній-экспарцёраў, устанаўленне трывалых кааперацыйных сувязей паміж вытворцамі і спажыўцамі прадпрыемстваў краін, якія ўваходзяць у Шанхайскую арганізацыю супрацоўніцтва.

Шанхайская арганізацыя супрацоўніцтва - гэта эканамічны лакаматыў, які прыцягвае ўвагу ўсіх краін свету. 2/3 сусветнага грузаабароту прыпадае на дзяржавы - члены ШАС. Кааперацыя прамыслова-арыентаваных прадпрыемстваў дае магчымасць замяшчэння еўрапейскіх камплектуючых. Міжнароднае супрацоўніцтва паміж гарадамі-пабрацімамі ў галіне эканомікі, гандлю, навукі.

СБ