У Магілёве завяршыліся міжнародныя спаборніцтвы па спартыўнай гімнастыцы

У Магілёве завяршыліся рэспубліканскія спаборніцтвы па спартыўнай гімнастыцы «Турнір спартыўнай славы» з удзелам беларускіх і расійскіх атлетаў.

У заключны дзень турніру адбыліся фіналы на асобных снарадах, у актыве нашай каманды 22 узнагароды. У жанчын бронзавай медалісткай у праграме на бервяне і ў вольных практыкаваннях стала Анастасія Сманцар, у апорным скачку трэцяй стала Аляксандра Рымашэўская, у практыкаванні на брусах – Лізавета Пулукчу.

Лідар мужчынскай каманды Ягор Шарамкоў стаў бронзавым прызёрам у апорным скачку і ў вольных практыкаваннях, таксама дзве бронзы заваяваў Святаслаў Драніцкі (кольцы, перакладзіна). Акрамя таго, пасля праграмы на брусах на трэцюю прыступку п’едэстала падняўся Аляксей Селязнёў, а ў практыкаванні на кані трэці вынік паказаў Данііл Грыгарчук.

Па выніках фіналаў у асобных відах у актыве жаночай юніёрскай каманды Беларусі адно срэбра і тры бронзы, юнакі выйгралі восем узнагарод: адну залатую, дзве сярэбраныя і пяць бронзавых. Пераможцам у апорным скачку стаў Багдан Ільінкоў. Усяго ў «Турніры спартыўнай славы» прынялі ўдзел 130 гімнастаў з Беларусі і Расіі.

БЕЛТА