У Прымор'і адкрыўся Адзіны цэнтр дэманстрацыі, продажу і абслугоўвання беларускай тэхнікі

У ходзе правядзення Дзён Рэспублікі Беларусь у Прыморскім краі адбылося ўрачыстае адкрыццё Адзінага мультыбрэндавага цэнтра дэманстрацыі, продажу і абслугоўвання беларускай тэхнікі.

Адзіны цэнтр адкрыўся ў Міхайлаўцы Прыморскага краю.

У цырымоніі адкрыцця прыняў удзел старшыня Магілёўскага аблвыканкама Анатоль Ісачанка.

- Гэта сапраўды важная падзея для Прыморскага краю і сур'ёзны крок ва ўмацаванні двухбаковых адносін Рэспублікі Беларусь і Прымор'я. Аб якасці беларускай тэхнікі шмат казаць не трэба, яна ўжо заслужыла прызнанне. Аднак важна, каб нараўне з продажам тэхнікі абавязкова прысутнічала яе тэхабслугоўванне, таму што заўсёды патрэбна гарантыя, запчасткі. Упэўнены, што адкрыццё Цэнтра стане яшчэ адным крокам да плённага беларуска-расійскага супрацоўніцтва, - падкрэсліў на адкрыцці Анатоль Ісачанка.

На сённяшні дзень на дэманстрацыйнай пляцоўцы прадстаўлены 33 адзінкі тэхнікі ААТ «МТЗ», збожжаўборачны камбайн GS12A1 ААТ «Гомсельмаш», дзве адзінкі грузавой аўтатэхнікі ААТ «МАЗ», а таксама прадукцыя ААТ «БАТЭ» — валы карданныя, стартары, генератары і прыборы для тэхнікі.

Адзначана, што ў праекце плануецца ўдзел: ААТ «МТЗ», ААТ «МАЗ», ААТ «Гомсельмаш», ААТ «Амкадор», ААТ «Лідсельмаш», ААТ «Бабруйскаграмаш», ААТ «БАТЭ», ААТ «Аўтагідраўзмацняльнік», ААТ «Белшына», ААТ «Бабруйскі завод трактарных дэталей і агрэгатаў».

Юлия Давыденко, mogilevnews.by