У шасцікватэрным двухпавярховым жылым доме ў вёсцы Родня Клімавіцкага раёна абрынуўся дах. Пра гэта карэспандэнту сайта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю абласнога ўпраўлення МНС Вольга Нехарошых.
Каля 18.00, знаходзячыся ў сябе дома, жыхары кватэр №2 і №3 пачулі падазроны трэск. Выйшаўшы на вуліцу, яны ўбачылі, што на плошчы ў 25 м на драўлянае перакрыцце абрынуўся шыферны дах. Ніхто не пацярпеў. У доме толькі гэтыя дзве жылыя кватэры, астатнія не эксплуатуюцца.
«Паколькі абвальванне даху адбылося па цэнтры будынка, жылыя кватэры, размешчаныя на першым паверсе па абодва бакі ад цэнтра, не пашкоджаныя, – адзначыла суразмоўца. – Жыхарам дома будзе прадстаўлены ведамасны жылы фонд ААТ «Роднянскі» ў названым населеным пункце».
Прычына абвальвання высвятляецца. Разглядаемыя версіі: трухлявасць будаўнічых канструкцый, цяжар снеговой нагрузкі.
У МНС нагадваюць, што кіраўнікі арганізацый і прадпрыемстваў усіх формаў уласнасці абавязаны прыняць вычарпальныя меры па зніжэнні снеговой нагрузкі з дахаў будынкаў і збудаванняў падведамасных аб’ектаў.
Пры выкарыстанні матэрыялаў актыўная гіперспасылка на mogilev-region.gov.by абавязковая
17.04.2024 - 12:04
16.04.2024 - 16:54
У Кісялевічах пачалася рэканструкцыя Брацкай магілы воінаў і партызан