25.07.2023 - 11:37

Асабовы склад Узброеных Сіл аказвае дапамогу сельскагаспадарчаму сектару ва ўборцы ўраджаю з палёў Віцебскай і Магілёўскай абласцей. Аб гэтым паведамілі ў прэс-службе Міністэрства абароны.

Больш як 50 ваеннаслужачых і 30 адзінак ваеннай тэхнікі накіраваны для аказання дапамогі ва ўборачнай кампаніі. Зводны ўзвод, сфарміраваны з розных воінскіх часцей, аказвае дапамогу па пагрузцы і вывазе сельскагаспадарчых грузаў з палёў, дастаўцы іх на збожжатакі і ў сховішчы. Акрамя таго, ваеннаслужачыя падвозяць паліва для камбайнаў і абеды для механізатараў.

Як адзначылі ў ваенным ведамстве, асабовы склад прайшоў інструктаж па патрабаваннях тэхнікі бяспекі пры абслугоўванні тэхнікі і перавозцы сельскагаспадарчых грузаў.

БЕЛТА