30.03.2020 - 10:59

Падтрымка пажылых і інвалідаў – адзін з прыярытэтных напрамкаў работы грамадскай арганізацыі «Чырвоны Крыж». Цяпер людзям з групы рызыкі дапамога патрэбна як ніколі.

У Магілёўскай вобласці сфарміраваныя валанцёрскія атрады, якія прайшлі інструктаж і атрымалі прадметы абароны: маскі, пальчаткі, антысептыкі. Валанцёры дастаўляюць пажылым людзям лекі, прадукты харчавання і іншыя прадметы першай неабходнасці. Яны тлумачаць, чаму важная самаізаляцыя, і раздаюць памяткі-рэкамендацыі ў сувязі з распаўсюджваннем каранавіруса.

Падтрымка пажылых людзей – не навіна для грамадскай арганізацыі. Тут працуе медыка-сацыяльная служба «Дапамога». Чырвоны Крыж супрацоўнічае з тэрытарыяльнымі цэнтрамі сацыяльнага абслугоўвання. Менавіта сюды паступае інфармацыя пра тых, каму патрэбна дапамога. Знайсці нумары тэлефонаў «гарачых ліній» можна на сайце Магілёўскага аблвыканкама.

ТРК «Магілёў»