Вольга Петрашова: тэма выбараў у мясцовыя Саветы дэпутатаў – адна з абмяркоўваемых у выбарчых акругах

Тэма выбараў у мясцовыя Саветы дэпутатаў –адна з абмяркоўваемых у выбарчых акругах, заявіла намеснік старшыні Пастаяннай камісіі па міжнародных справах Вольга Петрашова на пасяджэнні Палаты прадстаўнікоў, падчас якога дэпутаты прагаласавалі за зварот да Прэзідэнта з просьбай унесці ў Палату прадстаўнікоў законапраект аб змяненні Канстытуцыі Беларусі. Ён прадугледжвае магчымасць правядзення выбараў у мясцовыя Саветы дэпутатаў 29-га склікання адначасова з правядзеннем выбараў у Палату прадстаўнікоў восьмага склікання.

«Ініцыятыва аб звароце да кіраўніка дзяржавы, агучаная парламентарыямі на сумесным пасяджэнні, вельмі важная і актуальная. Тэма маючых адбыцца выбараў у мясцовыя Саветы дэпутатаў – адна з самых папулярных на дыялогавых пляцоўках, у выбарчых акругах, працоўных калектывах, на мерапрыемствах розных грамадскіх арганізацый. Як старшыня першаснай прафсаюзнай арганізацыі, член праўлення Беларускага саюза жанчын, хачу адзначыць, што прапанова аб правядзенні адзінага дня галасавання цалкам падтрымліваецца членамі грамадскіх арганізацый», – сказала Вольга Петрашова.

Паводле яе слоў, сумяшчэнне выбараў у мясцовыя Саветы дэпутатаў і Палату прадстаўнікоў дазволіць больш якасна ўзаемадзейнічаць паміж сабой дэпутатам розных узроўняў па пытаннях жыццезабеспячэння насельніцтва. «Прафесіяналізм і вопыт дэпутатаў мясцовых Саветаў гэтага склікання важныя для працы па канстытуцыйным рэфармаванні, – канстатавала парламентарый. – Лічу, што правядзенне выбараў у мясцовыя Саветы дэпутатаў у студзені 2022 года можа негатыўна адбіцца на стабільнасці грамадскага развіцця».

БЕЛТА