Фінал конкурсу бізнес-ідэй сярод прадпрымальнікаў Магілёўскага рэгіёна, арганізаваны па праекце Праграмы развіцця ААН і Міністэрства эканомікі Беларусі «Малыя гарады», адбудзецца сёння ў цэнтры падтрымкі прадпрымальнікаў «Чавускі бізнес-цэнтр», паведамілі ў ПРААН у Беларусі.
«Гэта ўжо другі конкурс, які праект праводзіць у гэтым годзе ў Чавусах. На працягу двух месяцаў больш за дзесяць бізнесменаў-пачаткоўцаў Магілёўшчыны праходзілі комплекснае навучанне па праграме «Асновы прадпрымальніцтва» ў Чавускім бізнес-інкубатары. У якасці настаўнікаў праграмы выступалі вопытныя бізнес-трэнеры з Магілёва і Мінска», – распавялі ў ПРААН.
Па выніках навучання ўдзельнікі праграмы распрацавалі ўласныя бізнес-праекты і падчас фіналу прадставяць іх членам журы конкурсу. Пераможцы атрымаюць фінансаванне сваёй ідэі ад праекту «Малыя гарады».
У ПРААН адзначаюць, што ініцыятывы, якія атрымалі падтрымку па выніках першага конкурсу, ператварыліся ў паўнавартасны бізнэс. Так, напрыклад, педагог-псіхолаг з шматгадовым стажам адкрыла першы ў раёне цэнтр дзіцячага развіцця, паслугі якога сталі вельмі запатрабаванымі. Гэты старт дазволіў бізнес-лэдзі, якая нядаўна пачала сваю справу, пашырыць сферу дзейнасці і адкрыць новы напрамак – фітнес. Цяпер жанчына падрыхтавала конкурсны праект для суісканне субсідыі на развіццё гэтага кірунку.
Бізнес-інкубатар у Чавусах з’яўляецца адным з шасці цэнтраў падтрымкі прадпрымальніцтва, якія створаны ў Магілёўскай і Віцебскай абласцях у межах сумеснага праекта ПРААН і Міністэрства эканомікі Беларусі «Садзейнічанне занятасці і самазанятасці насельніцтва ў малых і сярэдніх гарадах Рэспублікі Беларусь» («Малыя гарады») пры фінансавай падтрымцы Расійскай Федэрацыі.
Пры выкарыстанні матэрыялаў актыўная гіперспасылка на mogilev-region.gov.by абавязковая
16.07.2024 - 11:22
Аграрыі Магілёўскай вобласці намалацілі 118,1 тыс.тон збожжавых і зернебабовых культур
15.07.2024 - 09:53
У ТАА «Быхаўскі кансервавы завод» ідзе ўборка зялёнага гарошку
12.07.2024 - 15:12
Фабрыка «Чырвоны харчавік» адкрыла фірмовую краму на «Славянскім базары» ў Віцебску
09.07.2024 - 10:52