20.02.2023 - 11:09

Выстава навукова-тэхнічных дасягненняў «Беларусь інтэлектуальная» пройдзе ў Магілёве з 24 па 26 лютага.

У спарткомплексе «Алімпіец» будуць прадстаўлены перадавыя распрацоўкі і дасягненні навукі, імпартазамяшчальная прадукцыя, разгорнецца прастора ініцыятыў. У тым ліку свае інавацыйныя магчымасці прадэманструюць універсітэты і прадпрыемствы Магілёўшчыны.

Як анансаваў падчас рабочай нарады па абмеркаванні арганізацыйных момантаў намеснік старшыні аблвыканкама Руслан Страхар, інтэрактыўная экспазіцыя выклікае цікавасць у жыхароў розных узростаў. Наведвальнікам будзе прадастаўлена ўнікальная магчымасць не проста паглядзець экспанаты, але і пакратаць рукамі, вывучыць, як усё ўладкавана і функцыянуе, даведацца на якіх прадпрыемствах створана.

Рэд.