Выстава графікі, прысвечаная Дню Канстытуцыі Беларусі, адкрыецца 15 сакавіка ў музеі Масленікава

У Дзень Канстытуцыі Рэспублікі Беларусь у Магілёўскім абласным мастацкім музеі ім. П.У. Масленікава можна будзе азнаёміцца з выставай графікі. Пра гэта паведамілі ва ўстанове культуры.

Па словах суразмоўцаў, экспазіцыя бузде уключаць у сябе графічныя творы, якія дэманструюць характэрныя рысы беларускай нацыянальнай культуры.

«Асноўны закон дзяржавы ва ўступнай частцы змяшчае галоўныя прынцыпы, важныя для кожнага грамадзяніна Рэспублікі, - падкрэслілі суразмоўцы. - Адзін з іх - гэта апора на шматвяковую гісторыю развіцця беларускай дзяржаўнасці, культурныя і духоўныя традыцыі».

Рэд.