Магілёўскі абласны мастацкі музей падрыхтаваў выставачны праект «Мастацтва Кітая». Пра гэта паведамілі ва ўстанове культуры.
Як адзначылі субяседнікі, праект быў падрыхтаваны ў рамках знаходжання Надзвычайнага і Паўнамоцнага Пасла Кітайскай Народнай Рэспублікі ў Рэспубліцы Беларусь Се Сяоюна ў Магілёўскай вобласці.
Экспазіцыя ўяўляе сабой жывапісныя палотны кітайскіх мастакоў, якія з 2012 года і да гэтага часу з'яўляюцца ўдзельнікамі Міжнароднага пленэру па жывапісе «Вобраз Радзімы ў выяўленчым мастацтве», які штогод праходзіць на Магілёўшчыне.
Надзвычайны і Паўнамоцны Пасол Кітайскай Народнай Рэспублікі ў Рэспубліцы Беларусь наведаў выставу, а таксама азнаёміўся з гісторыяй будынка, экспазіцыямі музея, з цікавасцю паглядзеў паказ лялечнага тэатра «Магілёўская батлейка».
Супрацоўнікі музея запрашаюць усіх магіляўчан і гасцей горада бліжэй азнаёміцца з мастацтвам Паднябеснай праз палотны кітайскіх мастакоў. Паглядзець выставу можна да 12 ліпеня.
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
16.07.2024 - 09:27
12.07.2024 - 09:25
Ансамблі фальклорнай і народнай песні выступяць на рэгіянальным конкурсе ў Чэрыкаўскім раёне
08.07.2024 - 14:55
06.07.2024 - 18:14
Анатоль Маркевіч на свяце «Купалле»: толькі ў адзінстве мы можам тварыць і ствараць