Ягор Шарамкоў заваяваў срэбра ў вольных практыкаваннях на этапе Кубка выкліку ў Парыжы

Беларус Ягор Шарамкоў стаў прызёрам этапа сусветнага Кубка выкліку па спартыўнай гімнастыцы, які праходзіць у Парыжы.

Лідар нацыянальнай каманды стаў сярэбраным прызёрам у вольных практыкаваннях. Кваліфікацыю Шарамкоў пераадолеў з другім вынікам, у нядзельным фінале Ягор таксама набраў другую суму балаў (14,200). Перамогу з вынікам 14,333 бала атрымаў Арцём Даўгапят з Ізраіля, тройку замкнуў француз Нікаля Дыез.

Раней у розыгрышы Кубка свету сезона 2025 года Шарамкоў заваяваў па адным медалі кожнай вартасці. На этапе ў Баку Ягор перамог у вольных практыкаваннях і ўзяў бронзу ў апорным скачку, а на этапе ў Анталіі беларус быў у гэтым відзе праграмы другім.

Усяго на спаборніцтвах у Парыжы выступілі чатыры нашы гімнасты. Алег Цясельскі стаў 12-м на брусах, 24-м на перакладзіне і 32-м на кані, Алена Цітавец замкнула трыццатку на бервяне, а Ульяна Кузьмянкова была 32-й у вольных практыкаваннях.

БЕЛТА