Японскі майстар ігры на японскай традыцыйнай бамбукавай флейце выступіць на сцэне Магілёўскай гімназіі-каледжа мастацтваў

У канцэртнай зале Магілёўскай дзяржаўнай гімназіі-каледжа мастацтваў 22 лістапада ў 15.00 адбудзецца музычна-літаратурны вечар «Японія – музычнае адлюстраванне ў Беларусі». Мерапрыемства арганізавана Пасольствам Японіі сумесна з калектывам установы адукацыі ў межах штогадовага фестывалю «Японская восень у Беларусі».

Упершыню на магілёўскай сцэне выступіць японская выканаўца, майстар ігры на флейце сякухаці Кацура КрэаСьён. У канцэрце прагучаць традыцыйныя японскія мелодыі, класічная музыка, творы японскіх і беларускіх кампазітараў. Парадуе гледачоў і сумеснае выступленне японскай выканаўцы з аркестрам гімназіі-каледжа.

У межах мерапрыемства запланаваны майстар-клас Кацуры КрэаСьён па ігры на бамбукавай флейце і выстава «Фотамасты “Беларусь – Японія”».