Рэгіянальны этап рэспубліканскага творчага конкурсу юных чытальнікаў «Жывая класіка» адбудзецца 22 мая ў Магілёве. Пра гэта паведаміла метадыст аддзела адукацыйнай дзейнасці абласнога цэнтра творчасці Алена Новікава.
У спаборніцтве праявяць сябе навучэнцы 1-10-х класаў устаноў агульнай сярэдняй і дадатковай адукацыі дзяцей і моладзі рэгіёна. Яны прачытаюць вершы і празаічныя ўрыўкі беларускіх або рускіх аўтараў. Падчас выступлення хлопцы і дзяўчаты змогуць выкарыстоўваць музычнае суправаджэнне, дэкарацыі і касцюмы.
Журы будзе ацэньваць выканальніцкае майстэрства, артыстызм, глыбіню пранікнення ў вобраз і сэнсавую структуру тэксту, сцэнічную культуру і тэхніку маўлення, знешні выгляд. Пераможцы абласнога этапу прымуць удзел у рэспубліканскім фінале, які пройдзе ў чэрвені ў Мінску.
Конкурс юных чытальнікаў «Жывая класіка», прысвечаны Году малой радзімы, праводзіцца з мэтай развіцця і захавання высокіх маральных каштоўнасцей і ідэалаў беларускага грамадства, выхавання падрастаючага пакалення на найлепшых узорах нацыянальнай літаратуры, прыцягнення ўвагі грамадскасці да праблематыкі чытання, пашырэння чытацкага кругагляду, пошуку і падтрымкі таленавітай моладзі.
Арганізатарам мерапрыемства выступае галоўнае ўпраўленне па адукацыі Магілёўскага аблвыканкама. Агульнае кіраўніцтва і каардынацыю па арганізацыі і правядзенні конкурсу ажыццяўляе ДУДА «Абласны цэнтр творчасці» і УА «Магілёўскі дзяржаўны абласны інстытут развіцця адукацыі».
Пачатак у 10.30, абласны цэнтр творчасці.
Пры выкарыстанні матэрыялаў актыўная гіперспасылка на mogilev-region.gov.by абавязковая
06.07.2024 - 17:50
Сям'я Тарэлка з Магілёўскай вобласці - пераможца «Уладара сяла - 2024»
05.07.2024 - 09:40
26.06.2024 - 11:30
Каманда маладых спецыялістаў магілёўскай «Фармацыі» стала пераможцам інтэлектуальнага квіза