За сем месяцаў індывідуальныя прадпрымальнікі Магілёўскай вобласці заплацілі ў бюджэт Br80,3 млн.

Br80,3 млн заплацілі ў бюджэт Магілёўскай вобласці індывідуальныя прадпрымальнікі за студзень-ліпень гэтага года. Удзельная вага паступленняў у бюджэце вобласці склала 6,3 працэнта, паведамілі ў прэс-цэнтры інспекцыі МПЗ Рэспублікі Беларусь па Магілёўскай вобласці.

 

Асноўную долю склалі паступленні па: падаходным падатку з даходаў ад прадпрымальніцкай дзейнасці - Br54,4 млн; адзінаму падатку з індывідуальных прадпрымальнікаў і іншых фізічных асоб - Br8,7 млн; падатку на дабаўленую вартасць - Br6,7 млн, у т.л. які спаганяецца пры ўвозе тавараў на тэрыторыю Рэспублікі Беларусь - Br4,2 млн.