Зарплата бюджэтнікаў у Беларусі вырасце з 1 верасня

Зарплаты бюджэтнікаў і іншыя выплаты ўзрастуць у Беларусі з 1 верасня.

Павышэнне звязана з ростам памеру базавай стаўкі, якая з 1 верасня будзе складаць Br235. Папярэдняе значэнне базавай стаўкі - Br228 - дзейнічала з 1 студзеня 2023 года.

Як адзначылі ў Міністэрстве працы і сацыяльнай абароны, у параўнанні з 1 верасня мінулага года базавая стаўка павялічылася на 11,4 працэнта (на той момант яна складала Br211).

«Базавая стаўка - асноўны элемент тарыфнай сістэмы, на аснове якой праводзіцца аплата працы работнікаў бюджэтных арганізацый і іншых арганізацый, што атрымліваюць субсідыі, работнікі якіх прыраўнаваны па аплаце працы да работнікаў бюджэтных арганізацый», - растлумачылі ў ведамстве.

Да базавай стаўкі прывязаны і іншыя стымулюючыя і кампенсуючыя выплаты, памеры якіх павялічваюцца адпаведна з 1 верасня.

БЕЛТА