Зборная Магілёўскай вобласці перамагла на чэмпіянаце Беларусі па жаночай барацьбе

Зборная Магілёўскай вобласці выйграла ў камандным заліку чэмпіянат Беларусі па жаночай барацьбе, які завяршыўся ў сталічным Палацы спорту.

Спартсменкі з Магілёўскай вобласці ў выніку набралі 235 ачкоў, апярэдзіўшы каманды Гомельскай (157 пунктаў) і Гродзенскай (140) абласцей.

У асабістым першынстве спартсменкі з Прыдняпроўскага рэгіёна выйгралі сем з дзесяці залатых узнагарод. Перамогі ў турніры святкавалі Наталля Варакіна (50 кг), Ванеса Каладзінская (53 кг), Алеся Гетманава (55 кг), Крысціна Сазыкіна (59 кг), Вераніка Іванова (62 кг), Яўгенія Андрэйчыкава (65 кг) і Екацярына Зубарэвіч (76 кг). Акрамя іх, залатыя ўзнагароды выйгралі прадстаўніцы Мінскай вобласці Кацярына Ганчар (57 кг) і Аастасія Зімянкова (72 кг). У катэгорыі 68 кг не было роўных сярэбранай медалістцы Алімпіяды-2016 Марыі Мамашук, якая выступае за калектыў Гомельскай вобласці.

Турнір стаў этапам адбору на міжнародныя спаборніцтвы гэтага сезона.

БЕЛТА