Анлайн-конкурс касплея «Вы мой герой!» сярод навучэнцаў сярэдніх школ, гімназій і кадэцкіх вучылішчаў, сярэдніх спецыяльных і прафесійна-тэхнічных навучальных устаноў правёў Магілёўскі інстытут МУС.
– Галоўнай умовай конкурсу было ўзнавіць вобраз упадабанага міліцыянера з мастацкага фільма, мультфільма або літаратурнага твора, – адзначыла афіцыйная прадстаўніца ВНУ Марына Грамыка. – Атрыманы вынік фатаграфавалі і размяшчалі ў Instagram. Але аднаго фота было недастаткова: сваю працу дзеці дапаўнялі апісаннем, чаму менавіта гэты персанаж прыйшоўся ім даспадобы.
Пост у сацыяльных сетках канкурсанты абавязкова суправаджалі адмысловымі хаштэгамі: #ВЫМОЙГЕРОЙ, #institutemvd_by, #Могилевский_институт_МВД. Зараз ім можна знайсці дзясяткі фатаграфій дзядзькі Сцёпы. Акрамя героя, створанага паэтам Сяргеем Міхалковым, на суд журы прадставілі кінематаграфічных герояў Глеба Жаглова і Валодзю Шарапава. Былі ўзноўлены вобразы міліцыянераў з серыяла «Участак», «Глушэц», «Каменская», «Таямніцы следства» і іншыя героі сучасных расійскіх серыялаў.
З прыкладна паўсотні работ удзельнікаў журы адабрала 10 найлепшых касплеяў, а затым з іх выбралі тройку пераможцаў.
– Цікава, што практычна ўсе фаварыты конкурсу – ураджэнцы Віцебшчыны, – працягвае суразмоўніца. – Так, у лік найлепшых увайшоў навучэнец сярэдняй школы № 2 Оршы Арцём Пурышкін, які прадставіў літаратурнага героя міліцыянера Свістулькіна з твораў Мікалая Носава. Найлепшымі ўвасабленнямі вобраза Дзядзькі Сцёпы сталі Артур Макаравіз Зубаўскай сярэдняй школы і Ілья Сіманько з сярэдняй школы № 2 Паставаў. Вучні сярэдняй школы № 3 Оршы Юрый Пермякоў і Уладзіслаў Васільеў лепш за ўсіх закасплеілі Уладзіміра Шарапава і Глеба Жаглова з фільма «Месца сустрэчы змяніць нельга». Хлопцы не толькі пастараліся перадаць усе элементы адзення герояў, але і надалі немалую ўвагу дэталям арыгінальнага здымка.
Праз эпідэміялагічную сітуацыю дыпломы і падарункавыя сертыфікаты пераможцы атрымаюць па пошце.
Пры выкарыстанні матэрыялаў актыўная гіперспасылка на mogilev-region.gov.by абавязковая
30.04.2024 - 11:50
Прамыя тэлефонныя лініі пройдуць 4 мая ў Магілёўскай вобласці
29.04.2024 - 16:05
На аднаго выпускніка да дзесяці заявак - як у БДУТ прайшло размеркаванне
29.04.2024 - 15:59
Адзіны знак «Дрэва жыцця» ўстановяць ва ўсіх абласцях Беларусі ў памяць аб ахвярах генацыду
29.04.2024 - 12:15
29.04.2024 - 10:41
Мінадукацыі скарэктавала тэрміны прыёму ў 10-11-я класы гімназій і школ