Жыллё і іншыя віды падтрымкі: якія пытанні хвалююць маладых педагогаў Магілёва

Кіраўніцтва Магілёўскага гарадскога выканаўчага камітэта сустрэлася з маладымі спецыялістамі, якія сёлета прыйшлі на сваё першае працоўнае месца ва ўстановы агульнай сярэдняй адукацыі Магілёва. Удзельнікамі адкрытага дыялога, які прайшоў на базе сярэдняй школы нумар 45 Магілёва, стала каля 100 маладых педагогаў. Педагогі закранулі тэмы жылля, падтрымкі маладых спецыялістаў, развіцця сферы адукацыі ў цэлым. Дыялог атрымаўся жывым і адкрытым.

Такія сустрэчы дапамагаюць паразмаўляць у нефармальнай абстаноўцы, пачуць пытанні і праблемы, якія турбуюць маладых спецыялістаў, лічыць старшыня Магілёўскага гарвыканкама Аляксандр Студнеў:

- У 2022 годзе ў горад прыбылі 125 маладых спецыялістаў, і 95 настаўнікаў. Нам важна было паразмаўляць з імі, пачуць праблемныя пытанні, якія іх хвалююць. У межах гэтых сустрэч моладзь выказвае свае ідэі і прапановы, якія могуць скарэктаваць нашу далейшую працу. Так бывае, што адказаць на нейкае пытанне не атрымліваецца адразу - часам яно можа патрабаваць дадатковага вывучэння. Але ўзнятыя тэмы не застаюцца без увагі.

Удзельніца дыялогу - малады спецыяліст, настаўнік хіміі СШ №45 Аліна Адзінец. Дзяўчына родам з Глуска, скончыла Магілёўскі дзяржаўны ўніверсітэт імя А.А. Куляшова. Ва ўстанове адукацыі, заўважае дзяўчына, для станаўлення маладых педагогаў ёсць цэлая школа настаўніцтва:

- Старэйшыя калегі наведваюць нашы ўрокі, дапамагаюць рыхтавацца да іх, нават на этапе напісання плана-канспекта падказваюць, як пазбегнуць памылак. У мяне ёсць магчымасць выкладаць дысцыпліну дзецям, выкарыстоўваю пры гэтым розныя інструменты. Любая інфармацыя запамінаецца лепей, калі яе падаваць з дапамогай відэа, эксперыментаў. На першым месцы працы ў мяне ёсць магчымасць раскрыць свой патэнцыял, прафесійна і пісьменна данесці веды да дзяцей.

Дарэчы, ва ўстановах агульнай сярэдняй адукацыі Магілёва працуе больш за 6 тысяч выкладчыкаў.

СБ