Магілёўскі драмтэатр рыхтуе для юных магіляўчан чароўную казку-прэм'еру «Дванаццаць месяцаў»

На чароўную казку-прэм'еру «Дванаццаць месяцаў» (6+) і навагодні паказ «Як Заяц Новы год сустракаў» запрашае Магілёўскі драмтэатр.

Навагоднія прэм'еры пройдуць з 18 снежня па 10 студзеня.

Як адзначылі ва ўстанове культуры, чароўная казка рэжысёра-пастаноўшчыка Ірыны Курака і мастака-пастаноўшчыка Андрэя Меранкова падорыць юным гледачам і іх бацькам сустрэчу з сапраўдным навагоднім цудам.

«На сцэне ажыве дзіўная гісторыя пра дзяўчынку, якая, апынуўшыся ў складанай сітуацыі, сустракае сапраўдных чараўнікоў - Дванаццаць братоў-месяцаў. Ці парушаць яны ў навагоднюю ноч натуральны ход часу і чым абернецца такая авантура можна будзе ўбачыць гэта на сцэне тэатра», - падзяліліся суразмоўцы.

Спектакль напоўнены яркімі дэкарацыямі, музычнымі нумарамі і пацешнымі персанажамі, якія акунуць гледачоў у атмасферу навагодняга чараўніцтва. Казка нагадае пра самае важнае: добрае сэрца, шчырасць і сумленнасць - каштуюць даражэй, чым самы вялікі кошык золата.

Рэд.