Абласны семінар-практыкум па валенні з воўны для майстроў дэкаратыўна-прыкладнога мастацтва і спецыялістаў клубных арганізацый Магілёўскай вобласці пройдзе 26-27 лістапада ў Магілёўскім абласным метадычным цэнтры народнай творчасці і культурна-асветнай работы.
Падчас правядзення мерапрыемства запланаваны тэарэтычныя заняткі і майстар-класы пад кіраўніцтвам настаўніка па класе дэкаратыўна-прыкладнога мастацтва дзіцячай школы мастацкіх рамёстваў і мастацтваў г. Быхава Анжалікі Быстровай.
Праграма семінара ўключае азнаямленне з відамі і тэхнікамі традыцыйнага валяння, навучанне асновам сухога і мокрага валяння, стварэнне вырабаў рознай складанасці і прызначэння. Удзельнікі змогуць атрымаць новыя веды і прымяніць іх на практыцы, вырабіўшы ёлачную цацку, шар і брошку. Адмысловая ўвага надаецца развіццю творчых навыкаў і абмену досведам паміж удзельнікамі.
Семінар-практыкум накіраваны на паглыбленае вывучэнне асаблівасцей і тэхналогій валяння з воўны, пашырэнне практычных навыкаў удзельнікаў, а таксама стымуляванне развіцця традыцыйных і сучасных тэхнік работы з гэтым старажытным рамяством.
Рэд.
