Пытанне:
Каму ўстанаўліваецца надбаўка за спецыфіку работы ў сферы адукацыі ў адпаведнасці з падпунктам 3.2 пункта 3 Інструкцыі аб парадку ажыццяўлення і памерах стымулюючых і кампенсуючых выплат педагагічным работнікам і служачым, занятым у адукацыі, бюджэтных арганізацый, зацверджанай пастановай Міністэрства адукацыі Рэспублікі Беларусь ад 03.06.2019 № 71 «Аб аплаце працы работнікаў у сферы адукацыі» (далей - Інструкцыя).
Адказ:
Надбаўка за спецыфіку работы ў сферы адукацыі ў памерах, устаноўленых падпунктам 3.2 пункта 3 указанай Інструкцыі ўстанаўліваецца па пасадах педагагічных работнікаў з ліку спецыялістаў, непасрэдна пералічаных у дадзеным пункце: настаўнікам, выкладчыкам (за выключэннем тых, якія адносяцца да прафесарска-выкладчыцкага складу), педагогам дадатковай адукацыі, дашкольнай адукацыі.
Педагагічным работнікам з ліку спецыялістаў (за выключэннем тых, хто адносіцца да прафесарска-выкладчыцкага складу, настаўнікаў, выхавацеляў дашкольнай адукацыі, педагогаў дадатковай адукацыі, прыёмных бацькоў, бацькоў-выхавальнікаў) устанаўліваецца надбаўка за спецыфіку работы ў сферы адукацыі ў памерах, устаноўленых падпунктам 3.1. пункта 3 Інструкцыі. Да такіх педагагічных работнікаў адносяцца: акампаніятар, выхавальнік, выхавальнік-метадыст, інструктар па фізічнай культуры, канцэртмайстар, культарганізатар, майстар вытворчага навучання ўстановы адукацыі, метадыст, музычны кіраўнік, педагог-арганізатар, педагог-псіхолаг, педагог сацыяльны, кіраўнік фізічнага выхавання, настаўнік -дэфектолаг.
