ПЫТАННЕ: Што такое набыццё вопыту практычнай работы і для чаго гэта беспрацоўным?
АДКАЗ: Набыццё вопыту практычнай работы прадугледжана ў мэтах атрымання беспрацоўнымі прафесійных ведаў, уменняў і навыкаў практычнай работы ў адпаведнасці з прафесіяй (спецыяльнасцю), павышэння канкурэнтаздольнасці на рынку працы, пашырэння магчымасцей працаўладкавання.
Для набыцця вопыту практычнай работы па атрыманай прафесіі (спецыяльнасці) накіроўваюцца беспрацоўныя, зарэгістраваныя ва ўпраўленні па працы, занятасці і сацыяльнай абароне гаррайвыканкама з ліку:
–выпускнікоў устаноў адукацыі, якія атрымалі прафесійна-тэхнічную, сярэднюю спецыяльную і вышэйшую адукацыю;
–асоб, якія прайшлі прафесійную падрыхтоўку або перападрыхтоўку па накіраванні органаў па працы, занятасці і сацыяльнай абароне;
–асоб, якія засвоілі змест адукацыйнай праграмы павышэння кваліфікацыі рабочых (служачых), адукацыйнай праграмы перападрыхтоўкі рабочых (служачых), адукацыйнай праграмы прафесійнай падрыхтоўкі рабочых (служачых) ва ўстановах адукацыі, іншых арганізацыях, у індывідуальных прадпрымальнікаў, якім у адпаведнасці з заканадаўствам прадастаўлена права ажыццяўляць адукацыйную дзейнасць;
–асоб, якія доўгі час (больш за 12 месяцаў) не працавалі ў сувязі з доглядам дзіцяці ва ўзросце да 3 гадоў, дзіцяці-інваліда ва ўзросце да 18 гадоў, а таксама дзіцяці ва ўзросце да 18 гадоў, інфіцыраваных вірусам імунадэфіцыту чалавека ці хворых на СНІД.
Працаўладкаванне беспрацоўных для набыцця вопыту практычнай работы па атрыманай прафесіі (спецыяльнасці) можа ажыццяўляцца ў арганізацыях незалежна ад формаў уласнасці, за выключэннем арганізацый, дзейнасць якіх фінансуецца за кошт бюджэтных сродкаў, і ў індывідуальных прадпрымальнікаў.
Наймальнікі, якія прадастаўляюць працоўныя месцы для працаўладкавання беспрацоўных для набыцця вопыту практычнай працы, маюць права на частковую кампенсацыю выдаткаў на аплату іх працы.
Мерапрыемствы па працаўладкаванні беспрацоўных для набыцця вопыту практычнай працы па атрыманай прафесіі (спецыяльнасці) фінансуюцца за кошт сродкаў бюджэту дзяржаўнага пазабюджэтнага фонду сацыяльнай абароны насельніцтва Рэспублікі Беларусь.
Парадак і ўмовы працаўладкавання беспрацоўных вызначаны «Інструкцыяй аб парадку і ўмовах працаўладкавання беспрацоўных для набыцця вопыту практычнай працы з частковай кампенсацыяй наймальнікам выдаткаў на аплату працы», зацверджанай пастановай Міністэрства працы і сацыяльнай абароны РБ ад 10.10.2016 № 58.
