Да лютага 2013 года працоўная дзейнасць працякала на тэрыторыі Рэспублікі Казахстан. Пры прызначэнні пенсіі ў Рэспубліцы Беларусь у 2016 годзе ў стаж не залічаны перыяды працы пасля студзеня 1998 года. Ці можа быць перагледжана пенсія па нормах Пагаднення аб пенсійным забеспячэнні працоўных дзяржаў – членаў Еўразійскага эканамічнага саюза.
Адказ:
Пагадненне аб пенсійным забеспячэнні працоўных дзяржаў – членаў Еўразійскага эканамічнага саюза ад 20 снежня 2019 года (далей – Пагадненне ЕАЭС) уступіла ў сілу з 01.01.2021 і прымяняецца ў дачыненні да грамадзян, якія маюць стаж працы на тэрыторыі дзяржаў – членаў ЕАЭС пасля 01.01.2021.
Даведачна: членамі ЕАЭС з’яўляюцца Рэспубліка Беларусь, Рэспубліка Арменія, Рэспубліка Казахстан, Кыргызская Рэспубліка, Расійская Федэрацыя.
Паколькі стаж працы на тэрыторыі Рэспублікі Казахстан пасля 01.01.2021 адсутнічае, падстаў для прызначэння пенсіі з улікам нормаў Пагаднення ЕАЭС не маецца.
За стаж працы да 01.01.2021 пенсія прызначаецца і выплачваецца ў адпаведнасці з Пагадненнем аб гарантыях правоў грамадзян дзяржаў – удзельніц Садружнасці Незалежных Дзяржаў у галіне пенсійнага забеспячэння ад 13.03.1992 і Законам Рэспублікі Беларусь «Аб пенсійным забеспячэнні».
Пры гэтым у стаж для вылічэння памеру пенсіі ў Рэспубліцы Беларусь залічваюцца перыяды працы на тэрыторыі Рэспублікі Казахстан да 01.01.1998 пры ўмове дакументальнага пацверджання выплаты страхавых узносаў у Пенсійны фонд Рэспублікі Казахстан.
