У Магілёве адбыліся фінальныя спаборніцтвы Усебеларускага лёгкаатлетычнага кросу «Перамога» на прызы газеты «Советская Белоруссия». Удзел у спаборніцтве прынялі спартсмены розных узроставых катэгорый.
Магіляўчане паказалі найлепшыя вынікі і, зарабіўшы 8 ачкоў, занялі першае каманднае месца. Сярод пераможцаў у забегу 5 км сярод жанчын 1-е месца заваявала Ніна Савіна (вынік 16:34,3), 3-е месца – Таццяна Сцефаненка (16: 44,5). Мужчыны 5 км – 1-е месца Сяргей Платонаў (14:06,5). У катэгорыі дзяўчаты 2002-2003 гг. н. 2 км не было роўных Анастасіі Палуян (6:28,1). У юнакоў 2002-2003 гг. н. на дыстанцыі 2 км першым прыбег Дзмітрый Савін (5:40,1).
Магіляўчане таксама сталі найлепшымі ў рэспубліканскіх спаборніцтвах па эстафетным бегу на прызы заслужанага трэнера Беларусі А. І. Кіцэнкі. У юніёрскай эстафеце Кірыл Кухта, Анастасія Андрэева, Уладзіслаў Аляксандраў і Ульяна Слабодчыкава перамаглі з вынікам 4:51,9.
У эстафетным бегу сярод дарослых першай таксама стала магілёўская каманда. Сяргей Карпаў, Ілона Іванова, Мікіта Яшкін і Валерыя Барысава паказалі найлепшы вынік – 4: 34,94.
Па матэрыяле mogilevnews.by
Пры выкарыстанні матэрыялаў актыўная гіперспасылка на mogilev-region.gov.by абавязковая
