Рэспубліканскі аўтапрабег «Сімвал адзінства», прысвечаны 17 верасня, праходзіць па ўсіх абласцях Сінявокай. Удзельнікі акцыі трымаюць шлях па знакавых гістарычных мясцінах, дарагіх сэрцу кожнага беларуса. Некалькі дзясяткаў машын рухаецца ад рэгіёна да рэгіёна. І ўсё дзеля таго, каб яшчэ раз пераканацца: сіла народа –у яго згуртаванасці. Прайшоўшы шлях ад Брэсцкай крэпасці-героя, 9 верасня аўтакалона дасягнула Магілёўскай вобласці. Раніцай удзельнікаў сустракалі на радзіме Прэзідэнта – у Александрыі. Тут, у Шклоўскім раёне, на мяжы дзвюх абласцей – Магілёўскай і Віцебскай – сабраліся прадстаўнікі прадпрыемстваў, грамадскіх арганізацый, моладзь. Са Шклоўскага раёна калона машын накіравалася ў горад Круглае, адтуль –у Бялынічы, а днём прыбыла на легендарнае Буйніцкае поле пад Магілёвам. На чарзе –Дрыбін, Горкі, Мсціслаў, Крычаў, Клімавічы, Хоцімск і Касцюковічы. Заўтра –зноў у дарогу, патрыёты адправяцца па маршруце: Краснаполле–Чэрыкаў–Чавусы–Слаўгарад–Быхаў–Клічаў–Кіраўск–Бабруйск–Асіповічы–Глуск.
Фота Андрэя Сазонава, СБ і Галіны Гаўрыловіч
Пры выкарыстанні матэрыялаў актыўная гіперспасылка на mogilev-region.gov.by абавязковая
