15.02.2021 - 14:24

Урачысты мітынг, прысвечаны 32-й гадавіне вываду савецкіх войскаў з Афганістана, адбыўся 15 лютага ў Магілёве на набярэжнай Дняпра, дзе ўзведзена капліца воінам-інтэрнацыяналістам. У мерапрыемстве прынялі ўдзел ветэраны вайны ў Афганістане, родныя і блізкія загінулых, прадстаўнікі абласной і гарадской улады, прадпрыемстваў, грамадскасць, моладзь. Людзі, якія сабраліся, ушанавалі памяць землякоў хвілінай маўчання, усклалі вянкі і кветкі да падножжа манумента.