22.12.2018 - 18:49

Урачыстая цырымонія запальвання агнёў на галоўнай ёлцы Магілёва прайшла 22 снежня на плошчы Леніна. Гэтым быў дадзены старт навагоднім мерапрыемствам у абласным цэнтры. Перад пачаткам дзейства адбыўся танцавальны флэшмоб з удзелам 300 Дзядоў Марозаў, Снягурак, а таксама іншых казачных персанажаў. Героі павіншавалі ўсіх са святамі і запалілі агні на лясной прыгажуні з удзелам кіраўніцтва горада. Працягнуў вечар мюзікл па рускай народнай казцы «Марозка» і святочны канцэрт.