11.03.2021 - 12:55

Усебеларускі народны сход працягваецца на сустрэчах з людзьмі. Такім меркаваннем падзяліўся намеснік кіраўніка Адміністрацыі Прэзідэнта Андрэй Кунцэвіч, наведваючы Бялыніцкі раён. Паводле яго слоў, тыя пасылы, якія былі дадзены кіраўніком дзяржавы, дэлегатамі сходу з асноўнай трыбунай, сёння працягваюць актыўна абмяркоўвацца ў працоўных калектывах, у рэгіёнах. На сустрэчы з актывам раёна, на якой прысутнічала каля сотні чалавек, Андрэй Кунцэвіч спыніўся на асноўных аспектах VI Усебеларускага народнага сходу. Таксама ён акрэсліў перспектывы развіцця краіны на найбліжэйшую пяцігодку. Акрамя таго, Андрэй Кунцэвіч правёў у Бялыніцкім райвыканкаме выязны прыём грамадзян. Тэмы, з якімі звярталіся людзі да намесніка кіраўніка Адміністрацыі Прэзідэнта Андрэя Кунцэвіча, тычыліся рамонту дарог, працаўладкавання, пытанняў жылля для шматдзетных сем’яў, дзейнасці фермерскіх гаспадарак. Усяго на сустрэчу прыйшло дзевяць чалавек.

СБ