У Магілёўскай вобласці 10 красавіка праходзіць выязны практычны семінар для асоб, якія знаходзяцца ў перспектыўным кадравым рэзерве аблвыканкама, а таксама ў рэзерве кадраў на пасады кіраўнікоў сельскагаспадарчых арганізацый. Мерапрыемства адкрыла сустрэча ўдзельнікаў палілогу з кіраўніком рэгіёна Леанідам Зайцам. Удзельнікі практычнага семінара вывучаць вопыт работы па сацыяльна-эканамічным развіцці аграпрамысловага комплексу ў сучасных умовах на прыкладзе Бялыніцкага сельскагаспадарчага вытворчага кааператыва «Калгас «Радзіма»». Моладзь наведае вытворчыя аб’екты гаспадаркі, машынны двор, Алею Славы, музей, ферму па вырошчванні маладняку буйной рагатай жывёлы ў в. Саглассе, а таксама азнаёміцца з ходам рэканструкцыі малочна-таварнай фермы ў сучасны малочна-таварны комплекс у в. Старое Сяло. У вучэбнай аўдыторыі Вішоўскай сярэдняй школы для маладых спецыялістаў правядуць заняткі з элементамі псіхалагічнай дыягностыкі па асновах паспяховага лідарства і антыкарупцыйным заканадаўстве.
Фота - уласныя і mogilevnews.by
Пры выкарыстанні матэрыялаў актыўная гіперспасылка на mogilev-region.gov.by абавязковая
