Традыцыйна ў дзень працы ў Магілёве адкрывалі сезон фантанаў, пачаў працаваць парк атракцыёнаў. А яшчэ ў горадзе на Дняпры праводзілі мітынгі на плошчы Леніна, канцэрты, уручалі пасведчанні аб занясенні на абласную Дошку гонару. Былі і свае асаблівасці. Напрыклад, у 2013 годзе напярэдадні свята вясны і працы спецыяльнай прэміяй Магілёўскага аблвыканкама ў сацыяльнай сферы ўзнагародзілі 50 маладых людзей, якія дасягнулі высокіх вынікаў у сваёй прафесійнай дзейнасці. А ў 2019-м на плошчы Леніна адбыліся мітынг і «Парад прафесій», прысвечаныя не толькі Першамаю, але і 115-годдзю прафсаюзнага руху Беларусі. Удзельнікамі мерапрыемства сталі прадстаўнікі выканаўчай улады, працоўных калектываў, грамадскіх арганізацый, дэпутацкага корпуса, лідары ветэранскага і моладзевага руху – больш за 2 тыс. чалавек. Рэдактары сайта сабралі архіўныя фатаграфіі апошніх некалькіх гадоў, каб разам з вамі ўспомніць, як у Магілёве праходзілі афіцыйныя святочныя мерапрыемствы, прымеркаваныя да 1 Мая.
Пры выкарыстанні матэрыялаў актыўная гіперспасылка на mogilev-region.gov.by абавязковая