08.10.2020 - 21:35

У Палацы культуры вобласці 7 кастрычніка адбылося ўрачыстае мерапрыемства, прысвечанае Дню работнікаў культуры. Традыцыйна віноўнікі ўрачыстасці з усяго рэгіёна прымалі падарункі і віншаванні, для іх была арганізавана канцэртная праграма. За дасягнутыя поспехі і высокі ўзровень выканальніцкага, выяўленчага майстэрства пасведчанні спецыяльнага фонду Прэзідэнта Рэспублікі Беларусь па падтрымцы таленавітай моладзі і падзячныя лісты Магілёўскага абласнога выканаўчага камітэта ўручылі моладзі рэгіёна. Напярэдадні ў малой зале адзначылі тых, хто ўнёс значны ўклад у правядзенне моладзевага форуму «Беларусь – гэта МЫ!» які прайшоў у Лядовым палацы Магілёва 25 верасня.