02.04.2021 - 19:45

У Магілёве 1 красавіка прайшло ўрачыстае мерапрыемства, прысвечанае падвядзенню вынікаў сацыяльна-эканамічнага развіцця рэгіёна за 2020 год. Старшыня аблвыканкама Леанід Заяц уручыў заслужаныя ўзнагароды ўладальнікам ганаровага звання «Чалавек года Магілёўшчыны». Ушаноўвалі і найлепшыя па выніках мінулага года прадпрыемствы, арганізацыі рэгіёна. Акрамя таго, дыпломы і пераходныя сцягі перадалі пераможцам спаборніцтва па сацыяльна-эканамічным развіцці сярод гарадоў і раёнаў за 2020 год. Свае ўзнагароды атрымалі пераможцы Нацыянальнага конкурсу «Прадпрымальнік года». За шматгадовую добрасумленную працу, дасягненне высокіх паказчыкаў па выніках працы за 2020 год шматлікія працаўнікі рэгіёна былі ўдастоены ганаровых грамат, падзяк Магілёўскага абласнога выканаўчага камітэта, Міністэрства сельскай гаспадаркі і харчавання, юбілейнага медаля «100 год органам дзяржаўнага кіравання сельскай гаспадаркай і харчаваннем Беларусі». Пасля цырымоніі ўзнагароджання для гасцей свята на сцэне Палаца культуры вобласці прайшоў вялікі творчы канцэрт.