Урачыстая цырымонія адкрыцця выстаўкі і ўзнагароджанне пераможцаў абласнога конкурсу дзіцячай мастацкай і дэкаратыўна-прыкладной творчасці «Светлы Вялікдзень - сімвал свету» адбылася сёння ў Магілёўскім абласным мастацкім музеі імя П.У. Масленікава. У мерапрыемстве прынялі ўдзел намеснік старшыні Магілёўскага аблвыканкама Валерый Малашка, Высокапраасвяшчэннейшы арцыбіскуп Магілёўскі і Мсціслаўскі Сафроній, генеральны вікарый Мінска-Магілёўскай архідыяцэзіі біскуп Аляксандр Яшэўскі, начальнік упраўлення культуры Аляксандр Жыгун, старшыня праўлення Магілёўскага абласнога аддзялення ГА «Беларускі фонд міру» Андрэй Нікіцін, дырэктар музея Масленікава Алена Баброва, удзельнікі і пераможцы конкурсу. Пераможцы творчага спаборніцтва былі адзначаны дыпломамі і падарункамі. Для ўсіх удзельнікаў імпрэзы прагучалі канцэртныя нумары ў выкананні творчых калектываў Магілёўскага дзяржаўнага каледжа мастацтваў.
Фота Галіны Гаўрыловіч
Пры выкарыстанні матэрыялаў актыўная гіперспасылка на mogilev-region.gov.by абавязковая
