18.10.2024 - 17:48

У Магілёўскім абласным мастацкім музеі імя П.У. Масленікава ўрачыста адкрылі выніковую выставу мастакоў-удзельнікаў XXVIII Міжнароднага пленэру па жывапісе «Вобраз Радзімы ў выяўленчым мастацтве». Пленэр сёлета прысвечаны 80-годдзю вызвалення Рэспублікі Беларусь ад нямецка-фашысцкіх захопнікаў, 110-годдзю з дня нараджэння Народнага мастака Беларусі Паўла Масленікава. Праходзіў ён пад дэвізам «Павел Васільевіч Масленікаў. Да юбілею мастака і патрыёта!». На працягу 15 дзён сваё майстэрства дэманстравалі 15 мастакоў з 6 краін: Беларусі, Казахстана, Кыргызстана, Расіі, Узбекістана, Туркменістана. Пленэр праводзіўся пры падтрымцы Магілёўскага абласнога выканаўчага камітэта.

Фота Галіны Гаўрыловіч