У Бабруйску 8 верасня прайшло выязное пасяджэнне Прэзідыума Рэспубліканскага Савета ветэранаў Беларускага грамадскага аб’яднання ветэранаў. Асноўная тэма парадку дня –сацыяльная дапамога ветэранам. У рабоце Прэзідыума прынялі ўдзел: першы намеснік старшыні Рэспубліканскага Савета Беларускага грамадскага аб’яднання ветэранаў Юрый Луцык, начальнік упраўлення арганізацыі сацыяльнага абслугоўвання Міністэрства працы і сацыяльнай абароны Наталля Каравая, старшыня Бабруйскага гарадскога Савета дэпутатаў Міхаіл Жалудоў, намеснік старшыні Бабруйскага гарадскога выканаўчага камітэта Вікторыя Амялюсік, старшыня Магілёўскай абласной арганізацыі БГАВ Анатоль Глаз, а таксама старшыні абласных арганізацый БГАВ. Праграмай мерапрыемства было запланавана наведванне брацкай магілы савецкіх воінаў, якія загінулі ў гады Вялікай Айчыннай вайны пры вызваленні г. Бабруйска «Вечны агонь», экскурсія па холдынгу «Бабруйскаграмаш» і мемарыяльнага комплексу ў вёсцы Боркі Кіраўскага раёна.
Пры выкарыстанні матэрыялаў актыўная гіперспасылка на mogilev-region.gov.by абавязковая
