XVII фестываль «Вянок дружбы» прайшоў у Бабруйску з 27 чэрвеня па 1 ліпеня. Фестывальныя дні свята, сонечнага настрою, бязмежнай творчасці і духоўнага яднання разгарнуліся на некалькі дзён на бабруйскай зямлі. Удзел у святочных мерапрыемствах прыняў начальнік галоўнага ўпраўлення культуры Магілёўскага аблвыканкама Аляксандр Жыгун.
30 чэрвеня адбылося ўрачыстае закрыццё фестывалю. У маштабным і маляўнічым гала-канцэрце выступілі калектывы краін-удзельніц, прадставіўшы ўсю разнастайнасць і зачараванне народнага мастацтва. Прыгожае свята з беларускімі каранямі, шырокай рускай душой, усходнімі матывамі і каўказскім запалам завяршылася ўручэннем дыпломаў кожнаму творчаму калектыву. Сярэбраны «дождж» і бурныя апладысменты абсыпалі таленавітых удзельнікаў фестывалю, якія сталі за гэтыя дні вялікай брацкай сям'ёй. «Вянок сяброўства» дзякуе сябрам і чакае ў госці зноў.
Фота bobrlife.by
Пры выкарыстанні матэрыялаў актыўная гіперспасылка на mogilev-region.gov.by абавязковая
