21.06.2021 - 10:41

VIII міжрэгіянальнае свята-конкурс «Зялёныя Каляды» прайшло на крыніцах Байкова Чавускага раёна. Фестываль прымеркаваны да свята Тройцы, які адзначаецца праз сем тыдняў пасля Вялікадня. Адкрыла фэст аднайменная праграма, якую прадставіў Дужаўскі сельскі Дом народнай творчасці. Пасля прайшлі абрадавыя конкурсы, у якіх удзельнічалі аматарскія калектывы з Чэрыкаўскага, Касцюковіцкага, Крычаўскага, Клімавіцкага і Чавускага раёнаў. На свяце працавала выстава-продаж вырабаў майстроў Круглянскага, Крычаўскага, Слаўгарадскага, Чэрыкаўскага, Клімавіцкага раёнаў дэкаратыўна-прыкладной творчасці. Гасцей свята запрасілі пачаставацца стравамі традыцыйнай кухні, пацешыцца на спартыўных і дзіцячых пляцоўках. Падчас фэсту прайшло асвячэнне крыніц, пасля чаго кожны змог набраць крынічнай вады і акунуцца ў купель «для ачышчэння цела і духу».

СБ