Абласны этап I рэспубліканскай інтэлектуальна-прававой гульні «Сіла Закона: мы і права» пройдзе ў Магілёўскай вобласці 22 красавіка а 11:00 у анлайн-фармаце. Пра гэта паведамілі ў Магілёўскім абласным камітэце грамадскага аб’яднання «Беларускі рэспубліканскі саюз моладзі».
У інтэлектуальных спаборніцтвах прымуць удзел каманды з устаноў прафесійна-тэхнічнай адукацыі, сярэдняй спецыяльнай адукацыі і вышэйшай адукацыі з усяго рэгіёна, акрамя студэнтаў юрыдычных спецыяльнасцяў.
Заданні для гульцоў сфарміраваны па тэмах: дзяржаўны лад і ўлада; суверэнітэт; прававыя асновы дзяржавы (нарматыўныя прававыя акты); гісторыя права; асноўныя дакументы аб правах дзіцяці і грамадзяніна; правы і абавязкі; адказнасць за правапарушэнні; грамадскія моладзевыя аб’яднанні; моладзевая палітыка; працаўладкаванне; грамадзянскае заканадаўства; сямейныя адносіны; адукацыя; міжнародныя арганізацыі па абароне дзяцінства і іншыя.
«Маладым людзям трэба будзе адказаць на пытанні з варыянтамі адказу «так» або «не»; пытанні, якія прадугледжваюць разгорнутыя адказы і лагічныя – камандам прадстаўляюцца фота, відэа правапарушэнняў, злачынстваў і г.д., па якіх неабходна вызначыць, што за сітуацыя адбылася», – растлумачылі саббеседнікі.
Па выніках гульні будуць вызначаны 2 каманды-пераможцы (прафесійна-тэхнічнай і сярэдняй спецыяльнай адукацыі, вышэйшай адукацыі), якія 29 красавіка прадставяць нашу вобласць у фінале I рэспубліканскай інтэлектуальна-прававой гульні «Сіла Закона: мы і права» ў Мінску.
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
19.04.2024 - 09:00
Больш за 50 юных патрыётаў з Беларусі і Расіі спаборнічалі ў Магілёве
15.04.2024 - 16:39
Міжнародную інтэлектуальную гульню «Космас побач» правялі грамадскія арганізацыі Бабруйска і Тальяці
15.04.2024 - 10:22
Удзельніца «Цягніка Памяці – 2022»: праект дапамог зірнуць на многія рэчы па-іншаму
12.04.2024 - 14:46
Больш за 6 тыс. маладых людзей Магілёўскай вобласці будуць працаваць у студатрадах
11.04.2024 - 16:44